Qeveria do të vendos për rekomandimet e KSI-së në seancat e ardhshme

Pritet që Qeveria në seancat e ardhshme të vendos për rekomandimet rreth masave ndaj Covid-19 të propozuara në mbledhjen e fundit të Komisioni për Sëmundje Infektive, përcjell TV21. Këtë e bëri të ditur sot zëdhënësi i Qeverisë, Muhamet Hoxha.

“Të gjitha propozimet dhe rekomandimet e Komisionit për Sëmundjet Infektive do të shqyrtohen në mbledhjen e radhës të Shtabit Qendror, i cili pritet të mblidhet këto ditë. Më pas procesverbali nga selia duhet të miratohet në seancën e ardhshme të Qeverisë. Presim që në seancën e ardhshme të qeverisë të miratohet procesverbali nga Shtabi Qendror, respektivisht të vendoset nëse do të pranohen apo jo të gjitha rekomandimet e Komisionit për Sëmundjet Infektive”, tha Hoxha.

About Author

Redaktori Info7

See author's posts