Max Verstappen me Red Bull siguroi “pole position” në pistën e Majemi, i vlefshëm për Cmimin e Madh të Florida në Formula 1. Një paraqitje e shkëlqyer e kampionit të botës, që dha kohën rekord 1’26”204.
Ai do të ndajë vijën e parë të nisjes së bashku me britanikun Lando Norris, fitues i garës sprint në këtë postë pak orë më herët. Në vendin e tretë u rendit italiani i Mercedes, Kimi Antonelli.
Diferencat mes tri pilotëve të parë ishin shumë të vogla, vetëm 67 të mijëtat. Në vendin e katërt u rendit Oscar Piastri me makinën tjetër McLaren, që ka pas George Russell me Mercedes (i pesti).
Dobët u pataqitën në provat zyrtare dy makinat Ferrari, me Charles Leclerc që u rendit në vendin e tetë, pas dy makinave Williams të Carlos Sainz dhe Alexander Albon. Ndërsa Lewis Hamilton u rendit në vendin e 12-të.
About Author
